डॉ. संजय डी. पाटील यांचं बांधकाम क्षेत्रातील योगदान अतुलनीय -जिल्हाधिकारी

सांगली, दि. १९ जुलै – “डॉ. संजय डी. पाटील यांचं बांधकाम क्षेत्रातील योगदान हे केवळ सांगली जिल्ह्यासाठीच नव्हे, तर संपूर्ण महाराष्ट्रासाठी प्रेरणादायी आहे. त्यांच्या दूरदृष्टी, कौशल्यपूर्ण व्यवस्थापन आणि आधुनिक तंत्रज्ञानाचा वापर करत त्यांनी शाश्वत व गुणवत्तापूर्ण विकासाची नवी दिशा दिली आहे,” असे गौरवोद्गार जिल्हाधिकारी अमोल येडगे यांनी काढले.

स्थानिक विकास प्रकल्प, नागरी वसाहती, शासकीय इमारती तसेच सामाजिक बांधिलकीतून उभारलेल्या विविध पायाभूत सुविधांमुळे डॉ. पाटील यांचे कार्य विशेष उल्लेखनीय ठरले आहे. सांगली, मिरज, कुपवाड महापालिकेच्या अनेक महत्वाच्या प्रकल्पांमध्ये त्यांचा सक्रिय सहभाग राहिला असून, ते गुणवत्ता आणि वेळेच्या शिस्तीबाबत अत्यंत काटेकोर आहेत.

जिल्हाधिकारी येडगे पुढे म्हणाले, “विकासाच्या यशस्वी वाटचालीसाठी उत्तम नेतृत्व आणि प्रभावी अंमलबजावणी महत्त्वाची असते. डॉ. पाटील यांनी दोन्ही जबाबदाऱ्या अत्यंत यशस्वीरित्या पार पाडल्या आहेत. त्यांच्या कार्यपद्धतीमुळे अनेक नवोदित अभियंत्यांना प्रेरणा मिळत आहे.”

डॉ. संजय पाटील यांनी केवळ इमारतींची उभारणीच केली नाही, तर त्यांनी पर्यावरणस्नेही बांधकाम, जलसंधारण, हरित इमारतींचा पुरस्कार करत बांधकाम क्षेत्राला नव्या उंचीवर नेले. ‘स्मार्ट सिटी’ प्रकल्पांतर्गत त्यांनी काही नाविन्यपूर्ण योजना राबवल्या, ज्या आज आदर्श मानल्या जात आहेत.

यावेळी उपस्थित असलेल्या स्थानिक लोकप्रतिनिधी, अभियंते आणि उद्योजक वर्गाने देखील डॉ. पाटील यांच्या कार्याची स्तुती केली. समाजातील मागास वर्गासाठी त्यांनी उभारलेल्या सुलभ निवास प्रकल्पांचा विशेष उल्लेख करत, त्यांच्या सामाजिक बांधिलकीचे कौतुक करण्यात आले.